خبر عاجل منتخب سيدات الاغاثة الطبية...

السادة الكرام

سلام الله عليكم

معكم المعلق الرياضي د.سجود

من إسيتديوهات منتدى الاغاثة الطبية الرياضي

وهنا أستعرض منتخبنا الوطني لسيدات المنتدى لكرة القدم




يا فضيحتنا

نظراً لإقتراب مونديال كأس العالم

نعلن أسماء وتشكيلة الفريق الذهبي ( زي الي عن جد ذهبي ) ما حد يصدق

نبدأ بالتشكيلة التي وصلت



في حراسة المرمى

فلسطينية انا

عيني عليها باردة

لم يدخل في مرماها سوى 176 هدف

وما زالت رغم ذلك تتصدر قائمة أفضل حراس المرمى بالفريق


في الدفاع

وجه القمر

وهي متصدرة الهدافين

بتسجيل الأهداف ب 28 هدف ( في مرماها طبعاً بالخطأ )



وفي الدفاع أيضاً

رهام

حدث ولا حرج

حاطينها تكملة عدد بالفريق

صدقوا مرة خلوها تضرب ضربة جزاء وكان الحارس مش منتبه

وما عرفت تجيب هدف

طلعت الكرة فوق العارضة على الجمهور طبعاً

وكان في إصابات




وسع وسع للكبير

في الهجوم كابتن الفريق

تمارة

لم تحصل في كل حياتها الكروية على أي كرت أصفر

رغم أنها حصلت على 370 كرت أحمر

شي بيرفع الراس طرد مباشر بدون سابق إنذار حربجية طلعت



وفي الهجوم أيضاً

لتل انجل

يا عيني إبداع بإبداع

مرة كانت الكرة متجهة إلها

وضربتها بإتجاه المرمى

وهزت الشبك من الجنب

وفكرت هدف.... ساعتين وهي تركض فرحانة زي رونالدو

وشهرين يقنعوا فيها إنه مش هدف ولليوم مش مصدقة



ورأس الحربة

سيرين

يعني والله مو عارف شو أحكي

بس بعين الله تعد من أفضل المكسرين

هواياتها التكسير وحتى لأعضاء فريقها

وإذا ما ضل حد بالفريقين تكسر الحكم

شي مرتب




جناح أيمن

سنابل

ومن تاريخها الكروي

إنها تعتبر نفسها أشهر من تيري هنريه ومن رونالدينهو

ومهمتها بالجناح صناعة الألعاب والفرص

لكن العتب على النظر

كل كرة تتوجه إلها تطلع أوت

وفوق هذا تصرخ وتطالب تكون الكرة إلها



جناح أيسر

عروبة

صدق لما غنا جورج إرضى بالنصيب

ورضينا بنصيبنا

يعني أكثر الفاولات التي تتسبب لفريقهم عن طريقها

يا اما تكسر اللاعب وتجيب اجله

يا أما تضربه وهذا الشي الغريب

طلعت جناح إف 16 مو جناح أيمن


وبالإحتياط الي عمره ما نزل ولا رح ينزل إن شاء الله

شادن

من أشد وأشهر مهاراتها بالملعب الصراخ

والإعتراض على القرارات ولو كانت

لصالحهم



وهذهِ التشكيلة التي وصلتني لحد الأن

وبإنتظار باقي أعضاء الفريق

وسوف أطرحها عليكم أول بأول


فاصل من ثم نواصل



أتمنى أن لا أجرح احد بالموضوع

وأعتذر إلى الجميع

وأرجوا أن يقبلوا الموضوع بروح رياضية


تحيااااااتي لكم
د.سجود

هههههههههه
كيف وصلو لكاس العالم ؟؟؟
مين الحكم ومين المدرب لفريق البنات يا سجود ؟؟؟
ميين الفريق الي بدهم يلعبو معو؟
شدي حالك سجود مشان نشجع

بدهم تدريب من جديد بلاش فضايح اذا بتحبو اي مساعدة بنحكيلكو مع البرشاوي مشان يساعدكوو

ههههههههههههههههههههههههههه
مين الحكم؟؟؟
ما بعرف هههههههههههههه
لا الحكم ملاك الارض
المدرب فريق فااااااااشل بدون مدرب مش شايف المهارات كيف اسمالله عليهم شو هاد ولا البرازيل بتلعب متلهم



مشكووووووووووووووووووور اخ ابو بشار على مرورك

عين الله عليكم باااااااااااااارده اللهم لا حسد ولا بترفعوا الراس اشيء من الاخر فاخر وان شاء من بطوله لبطوله ومن لقب للقب

مشكــــــــــــــــــورده د.سجود كل موضوع احلى من الثاني

بس عشان تعرفو انو في هدفين في كرة القدم
بنات ولا اروع
مشكورة دز سجود على الفريق الي بيرفع الراس
بطولات عالمية
ههههههههه
تحياتي لك

يا عيني عليكي سجود بعد كل هالفضايح الك حيل على التعليق!!!
مشكورة كتييير والله انك من الاخر روعة وعاملة احلى جو...
الله يخليكي دايما رايقة ومبسوطة...
دمت متالقة في عالم كرة القدم

مشكووووووووووووووورين على مروركم
برشاوي,وجه القمر,شادن,انجل
وان شالله بنقدر انو نرسم الضحكه على وجوهكم داااااااااااايما

تحياتي لكم
د.سجود